Inkhàrkhip kaihhruaina tidanglam

Disaster Management & Rehabilitation (DMR) department chuan inkhàrkhip kalpui meka inkaihhruai­na dan a tihchhuah tawh ṭhenkhat a tidang­lam a; a hnuaia mi ang hi a ni.

Mizoram chhung khaw kar kawnga mihring phur lirthei (commercial passenger vehicle)-te tlân phalsak an ni. Registration number odd-even angin an intlân chhâwk ang.

Odd (kawpkim lo) lirtheite chu Thawhṭanni, Nilaini leh Zirtawpniah an tlân thei a, even number (kawpkim) lirtheite chu Thawhlehni, Ningani leh Inrinniah an tlan thei a; Pathianniah tlân theih a ni lo. Mi phurh theih zat (seating capacity) zatve (50%) aia tam phurh phal a ni lo.

Khaw chhunga tlân bus, taxi, auto-rickshaw leh two wheeler taxi-te pawh odd-even angin an intlân chhâwk ang. Two wheeler taxi tiam loin, mi phurh theih zat chanve (50%) aia tam phur phal a ni lo. Commercial passenger vehicle-a chuangte'n hmai tuamna an vuah vek tur a ni a, passenger-te hman tur hand sanitiser an pâi reng tur a ni.

Intlân chhâwk hian duty nana hman sorkar hnathawkte lirthei, task force duty-te lirthei, ambulance leh medical emergency, print & electronic media-te lirthei, bawlhhlawh paih leh bawng­hnute phurh/semna lirtheite a huam lo.

Ram páwn aṭanga lo lut mikhualte mimal inah thlen (mikhual) phal a ni lo. Hei hian Home department leh DC-te phalna neite a huam lo.