Sorkarin hâlpuah leh silai lem a khap dawn

Home minister R Lalzirliana hoa nimina a pisaa sorkar offcial-te ṭhukhawm chuan, kumin Krismas leh kumthar vuakvêtah hâlpuah, hâlmawi leh silai lem khap leh an rel a, "DC tinin khapna thupek a rang thei ang berin chhuah se," an ti.

Meeting-ah hian DGP Thianghlima Pachuau, Home department hotu-te, Fire & Emergency department hotute, dis­trict tin DC leh SP te, Aizawl Municipal Corpo­ration hotu te, Taxation department hotute leh Central YMA hruaitute an tel a ni.

Meeting-a thurelte
q Checkgate zawng zawngah Mizoram chhunga bungraw lak luhte lo endik ṭhin ni se.
q Local council leh village council tinin tlangauin khapna thu puang rawh se.
q Mizoram chhunga NGO zawng zawngte district tin SP nena ṭangrualin ṭhahnemngai takin hma lo la se.
q Mizoram Kohhran Hruaitu Committee pawh hâlpuah hâl ṭhat lohzia leh hâl lo tura ngenna kohhran tina puang turin ngen ni se.
q Zirn-in tinah uar takin hâlpuah hal ṭhat lohzia inzirtir ni se.