NEDP hnuaiah MJA Press Tour ṭan a ni

Finance department IPR department huaihawt NEDP Press Tour hmasa ber chu nimin khan ṭan a ni. IPRO pahnih leh MJA member 10, Uttarakhand tlawh turte chu nimin chawhma khan Finance secretary Lalmalsawma’n IPR directorate kawt aṭangin a vai liam a, Mi­zoram an chhuahsan.

Finance Secretary chuan, Mizoram sorkarin a policy lian ber atana sum eng emaw zat a dah hmanga IPR department-in MJA member-te tan press tour / exposure tour a buatsaih chu lawmawm a tih thu a sawi a; state danga an hmalak dan leh thil tih dan ṭha, Mizoram tana ṭangkai leh hlâwk turte paw chhuak turin duhsakna a hlan.

New Economic De­velopment Policy (NEDP) Press Tour hi chhawng lia buatsaih a ni dawn a; nimina chhuak batch hmasa ber hian Uttarakhand an tlawh ang a, November 1, 2017-ah Aizawlah an lo let ang. Press tour thawh hnihna aṭanga thawh linate'n Rajasthan, Gujarat leh Himachal Pradesh-te an la tlawh ve leh dawn a ni.