BSNL hmasawnna an puangzar
Bharat Sanchar Nigam Limited (BSNL) hotute chuan nimin khan Aizawl Press Club-ah thuthar thehdarhtute an kâwm a; BSNL-in network-a hmasawnna a neihte leh scheme thar an neihte an puang.
BSNL GMTD VK Mahuli chuan, tun hnai thla ruk chhungin BTS thar hmun pakuaah an nei thar a, hman nghal a nih thu a sawi a; 2G BTS hmun 30 leh 3G BTS hmun 70-ah bun thar tura ruahman a ni a, bun a nih hunah chuan Mizoram mipui tam berin 3G an hman theih tur thu leh 3G mobile handset hmangte pawhin 4G handset lei kher ngai loin 4G an hman theih dawn thu a sawi bawk.
VK Mahuli sawi danin, BSNL hian mobile prepaid thar Plan 429 a tichhuak a, chutah chuan internet data Rs. 429 man, ni 90 chhung damah ni tin a thlawnin internet 1GB hman theih a ni a, network dang zawng zawng STD leh local call-te a thlawna hman theih a ni.