Relief camp-ah buhfai a mumal lo - MBDPF

Mizoram Bru Dis­placed People Forum (MBDPF) chuan thu­chhuah siamin, North Tripura District-a Bru relief camp pasariha chhung­kaw awmten ration buhfai an dawng mumal lo niinan tarlang.

MBDPF hruaitute chuan, kum 1998 aṭang khan relief camp-a awmte hian kar hnih danah ration buhfai an dawng ṭhin tih an sawi a, "Engemaw lai aṭang khan an dawng mumal ta lo a ni. hei hi an thil phut tihhlawhtlinsak lo zawnga thil tih leh, sorkarin he relief camp-a awmte harsatna siamsaka Mizorama thawn kir a tumna tihhlawhtlin tumna niin a ngaih theih," an ti.

Ration sem hi ni hnih khat dang tihkhawtlai leh a nih chuan an zinga mi tam tak chu riltamin an thi thei mai dawn nia sawiin MBDPF chuan, "Dinhmun ziaawm nan he camp-a awmte chuan Kanchandpur leh Anandabazar inkar kawng dan pin te, Kan­chand­pur-a supply kudam atanga anmahni thua buhfai lak maite an hmabak a ni," an ti bawk.