Tuitla ruang zawng mek

Khawthlangtuipui, Tlabung aṭanga lui hnár lam mel thum vela hla, Kawizau kâiah October 24, chawhma dar 11:30 vel khan meilawng an insû a, meilawnga chuang zinga mi PC Lalrokima, Bunghmun chu luiah a tla hlum nia hriat a ni a, nimin thleng khan a ruang zawn a ni.

Tlabung aṭanga thu dawn danin, PC Lalro­kima ruang zawng hian Tlabung bakah Serhuan, Diblibagh, Sugorbasora, Sachan leh Bunghmun aṭangin mi ṭhahnem tak ruang zawngin zan hnih an tlaivar tawh a; he thu ziah lai thleng hian hmuh a la ni lo. Ruang zawnnaa a ṭula hman turin Tlabung SDO(C) leh MHIP Tlabung branch-te'n Tlabung branch YMA hnenah Rs. 2,000 ve ve an hlàn a; Zodin V/C, Forest Officer leh RO-ten Rs. 1,000 ṭheuh an pek bakah, Supply department-in buhfai an pe a ni.