Lunglei SP leh journalist-te inkâwm

Lunglei SP thar Stephen Lalrinawma chuan nimin khan a pisaah Lungleia thuthar thehdarhtute a kâwm a; thawhpuiah sáwm­in, police-te finchhuah ṭhin turin a ngen.

Stephen Lalrinawma chuan, Lunglei district chu district lian leh mihring tamna, international boundary nei a nih avangin venhimna lamah thâ thlah loa thawh a ṭul thu a sawi a, "Chak zawka police hna a kal theih nan chanchinbumite'n dan leh thupek kenkawh kawngah hma min lakpui a, police-te min finchhuah ṭhin turin ka sáwm che u a ni," a ti.

Lunglei SP chuan, Lunglei khawpuia lirthei che vel chu a tâwt chak hle tih sawiin, "Nakin hun thlira tun aṭanga lirthei chêt vel dan mumal zawka rua­hman tum a ni," a ti a, Lunglei Town Surveillance (CCTV) Project ṭangkai taka hman mek a nih thu a sawi. Thuthar thehdarhtute chu thu dikna ṭan tlat a, thlei bik nei loa thu puang darh ṭhin tur leh mipui sûkthlêk siamtu an ni tih hre reng turin a chah a ni.

Lunglei district MJA president H Lalthansanga chuan an ngaih pawimawh leh mamawhte SP hnenah a thlen a; ram leh hnam, district hmasawnna tura lungrual taka ṭan tlân an duh thu a sawi.