Manipur-ah 7th pay phutin nawrh hhuaihawt

Manipur sorkar hnuia hnatkawhte chuan 7th Pay Commission hman phutin nawrh an huaihawt a, Nilaini khan Mass Casual Leave an la.

Sorkar hnathawkte chuan 7th Pay chu a taka hman thuai an phut tih an sawi a, an thil phut hi tih hlawhtlin thuai an beisei thu an sawi. Nilainia nawrh huaihawt zinga mi panga chu police-te' an man a, a hnuah chhuah leh an ni. Manipur Government Services Federation huaihawta nuarte hi Secretariat kawtah an pungkhawm a ni. General Secretary Purujit chuan, 7th Pay Commission hman hi BJP kaihhruai sorkar chuan a tiam tih sawiin, tun thlenga tihlawh tlin a la ni lo chu vanduai thlak an tih thu a sawi. CM N Biren Singh-a kaihhruai sorkar chu an thil phut tihlawhtling tur hian an phut tih a sawi.

Deputy Chief Minister Y. Joykumar chuan, 7th Pay Commission zawm tur hian state sorkar chuan a hnathawkte hlawh a pe thei rih lo tih sawiin, an thil phut tihlawhtling tur hi chuan cheng vaibelchhe 1,200 vel an mamawh thu a sawi.

Manipur sorkar hnuaiah hian hnathawk mi 84,000 an awm mek a ni.