R Zira'n CYMA hnenah lirthei a hlân

Minister R Lalzirliana chuan nimin khan Central YMA hnuaia ruihhlo do pawl, Central Anti Drugs Squad (CADS) hman atan a lirthei hman lai, Mahindra Thar chu CYMA hruaitute hnenah a hlân.

Lirthei inhlanna hun hi ZTS Centre, Kelsihah buatsaih a ni a; R Lalzirliana chuan, Mizoramah ruihhlo a hluar mek laiin, tlawm­ngaia ruihhlo dotu CADS-te'n lirthei an indaih lohzia a hriat thu a sawi a, "Lirthei hi kan ram ṭhalaite rûntu ruihhlo manna atan ṭangkai taka hman a nih ngei ka beisei," a ti.

CYMA vice president Lalhma­chhuana chuan, R Lalzirliana lirthei pek chu CYMA-in ram leh hnam tana ruihhlo doa theihtawp an chhuahnaah chak leh zuala ke an pênna atana ṭangkai taka an hman ngei tur thu a sawi.

CYMA tarlan danin, R Lalzir­liana hian kum 2015 khan khatih laia CYMA hnuaia ruihhlo do pawl SRS hnenah a ṭula hman turin Bolero a lo pe tawh bawk.