Parliamentary Committee meeting-ah Mizoram MP C Lalrosanga a tel

Parliamentary Standing Committee on Health and Family Welfare chu nimin khan New Delhi-ah an ṭhukhawm a; Lok Sabha MP C Lalrosanga pawh member a nih angin a tel.

C Lalrosanga chuan, Mizoram leh hmarchhak state danga cancer natna vei an tam chhan chhui chhuah a ṭul thu leh cancer laka invênna lam inzirtir nasat a ṭul thu a sawi a; zirchianna atan Parliamentary Committee chu hma la turin a ngen.

Mithiamte chhui danin, Manipur-ah rilru lam natna vei an tam ber laiin Mizoramah pawh an tam thu sawiin C Lalrosanga chuan, "Hetiang enkawlna hmun, mental health institute 47 awmna state zingah Manipur leh Mizoram a tel ve lo," a ti a; Manipur leh Mizoramah rilru lam natna enkawlna hmun bik din turin sorkar laipui a ngen a ni.

Ṭhutkhawmah hian Union Health & Family Welfare minister Mansukh Mandaviya pawhin thu sawiin, Committee thu ngaihtuahte leh member-te rawtnate chu ngaih pawimawh a nih tur thu a sawi a; hriselna lamah an rilru leh ngaihtuahnate séng tam turin member-te chah bawk.