PC party-in scho' pe turin sorkar phût

Peoples' Conference party chuan, zirlaite scholarship tur sum sorkar laipuiin Mizoram sorkara October 4, 2022-a a pek tawh chu zirlaite hnena pe thuai turin thuneitute an phût.

PC party chuan thuchhuah siamin, mipui hamṭhatna tur sum Mizoram sorkarin a hrêk khawtlai ṭhin avanga nawr luih kher a ngai ṭhin chu khamawm an tih thu an tarlang a, "Zirlaite scholarship sum sorkar laipuiin Mizoram sorkar kuta a hlan tawh hi lungawi loa nawr chawp kher ngai lo tur leh hrêk khawtlaisakna atan chhuanlam dang siam chawp loa a rang thei ang bera pe chhuak thuai turin Mizoram sorkar kan phût a ni," an ti.