Covid-19 vei mi 45 an awm mek

October 18, Thawhlehni khan Mizoramah swab sample 155 endik aṭangin Covid-19 vei mi 15 hmuh chhuah a ni a, positivity rate 9.68% a ni. Nimin khan hripui vei dam tawh mi 13 chhuahtir an ni a, hripui vanga thi an awm lo. Nimin tlai khan Covid-19 positive mi 45 an awm mek.

IDSP aṭanga thu dawn danin, Thawhlehnia Covid-19 positive hmuh chhuahte chu - Khawzawl district-ah mi pakua, Aizawl district-ah pathum, Saitual district-ah pahnih leh Khawzawl district-ah pakhat an ni.

Mizoramah swab sample 19,86,457 endik tawh niin, Covid-19 vei 2,38,709 hmuh chhuah a ni tawh a, 12.02% a ni. Nimin tlai dar 4 thlengin mi 2,37,941 (99.68%) chhuahtir an ni tawh a, mi 723 (0.30%) thi tawhin, enkawl mek mi 45 (0.02%) an awm.

Mizorama district 11 zinga district paruk - Siaha, Kolasib, Serchhip, Lawngtlai, Mamit leh Hnahthial district-ah Covid-19 vei an awm tawh rih lo a; positive mek mi 10 aia tam awmna Aizawl leh Khawzawl district-te a awm a ni.