Gas tihchingpentute man an ni

Legal Metrology enforcement chuan October 26, 2017 zan khan National Highway 54, Kawnpui leh Khamrang inkar hmun pahnihah gas khawih chingpen lai truck eng emaw zatah an man.

Legal Metrology-te hi tunlai hian Mizorama kawngpui hrang hrangah gas khawih chingpen an awm leh awm loh vaiin duty ṭhin. October 26 zana gas khawih chingpen lai an mannaah hian gas bûr 79 an man a; bur la khawih chingpen lohte chu mipui hnena a thlenna tur hmuna a thlen dan dap mek a ni.

Gas tihchingpen an mante
@ MZ-02 9844 driver Siamthanga s/o VZ Lala, Vairengte: Ani hi Mualkhang Bottling Plant-a load la, Sangi Indane Grain Vothok Agency, Darlawna dah tur a ni.
@ MZ-02 7604 driver Lalrawnsanga s/o K Thanga, Seling: Ani hi Mualkhang Bottling Plant-a load la, Zomawi Gas Agency, Tlabunga dah tur a ni.
@ MZ-01 N-2712 (pick-up) driver Lalrinmawia s/o Thlamuana, Lungdai: Ani hian gas bûr 45 a kawl a, gas phur truck aṭanga thunin, a lo hralh mek a ni.
@ AS-11 BC-6876 driver Abul Hussein Laskar s/o Latif Ali Laskar, Silchar: A ni hian Borkhola Bottling Plant aṭangin load a la a, Kapliana Gas Agency-a dah tur a ni.
@ AS-01C-3311 driver Johur Uddin Majumdar s/o Tajmul Ali Majumdar, Hailakandi: Ani hian Borkhola Bottling Plant aṭangin load a la a, Vanbuangi Gas Agency-a dah tur a ni.