Digital connectivity sawiho

Ministry of Communications-a senior deputy director general Shivemdra Bhatnagar leh Mizoram sorkar aiawhe chuan October 26, Ningani tlai khan Governot Lt.Gen. Nirbhay Sharma chu a pisaah an hmu a, Mizorama digital connectivity tihhmasawn dan tur an sawipui.

Governor chuan, internet inthlun zawmna chu a ngaih pawimawh thu leh sorkar laipuia a lo thlen tawh thu a sawi a, "Mizoram, a bik takin khawthlang lam hmasawn nan leh ziak leh chhiar thiam nan a pawimawh a ni," a ti.

Shivemdra Bhatnagar chuan, Mizoram district pahnihah optical fibre cable (OFC) phûm a nih tawh thu sawiin, district dang pawh thlun zawm tura hmalak mek a nih thu a sawi a; hemi atan hian sorkar laipuiah theihtawp chhuah a tum thu a sawi bawk.