Arrear pe turin sorkar phût

Provisional Employee Association of Mizoram, PHE Branch chuan, an hlawh an lak kim lohna (arrear) chu November 4, 2022 ral hma ngeia ngaihtuahsak an nih loh chuan a ṭul anga hma an lak dawn thu an puang.

Public Health Engi­neering (PHE) depart­ment-a provisional emplo­yee-te chuan thuchhuah siamin, an arrear chung­changah October 1, 2022 khan press release siamin, a rang thei ang bera arrear pek an duh thu an chhuah tih an tarlang a, "Kan beisei leh duh thu kan tarlang tawh a, vawiin October 20, 2022 thleng hian pek kan la ni lo," an ti a; department dang zawnga provisional employee-te chu arrear pek an ni vek tawh tih an tarlang a ni.