Journalist mawhphurhna zirho a ni

Vawiin khan Rural Development directorate conference hall-ah ni hnih awh tur International Advanced Workshop on Peace and Conflict Sensitive Journalism ṭan a ni.

Workshop hi Mizoram University--a Mass Communication department, South Asia Women in Media, DST funded Technology Enabling Centre leh UGC Women’s Studies Centre ṭangkawp buatsaih a ni a; Shillong Times editor Patricia Mukhim, NDTV executive editor hlui Monideepa Banerjie leh Thumb Print editor Teresa Rehman ten an kaihruai.

Indona leh innghirnghona kara thuthar thehdarhtute mawhphurhna zirho a ni. Indona leh innghirnghona te, ramri buai leh ráltlân chungchangah thuthar thehdarhtute'n thu lái la taka thu an thehdarh a pawimawh dan te, mahni hnam nihna leh ngaihdan dahṭha a, ṭan lam nei loa thu dik puanzar chu thuthar thehdarhtu ṭha tih ngei tur a nih thu te, remna siamtu an nih theih dan leh thuthar thehdarhtute himna vawnhim pawimawh dante sawiho a ni.