Covid-19 vei mi 50 an awm mek

October 19, Nilaini khan Mizoramah swab sample 244 endik aṭangin Covid-19 vei mi 13 hmuh chhuah a ni a, positivity rate 5.33% a ni. Nimin khan hripui vei dam tawh mi pariat chhuahtir an ni a, hripui vanga thi an awm lo. Nimin tlai khan Covid-19 positive mi 50 an awm mek.

IDSP aṭanga thu dawn danin, Nilainia Covid-19 positive hmuh chhuahte chu - Mamit district-ah mi pariat, Aizawl district-ah pathum leh Saitual district-ah mi pahnih an ni.

Mizoramah swab sample 19,86,701 endik tawh niin, Covid-19 vei 2,38,722 hmuh chhuah a ni tawh a, 12.02% a ni. Nimin tlai dar 4 thlengin mi 2,37,949 (99.68%) chhuahtir an ni tawh a, mi 723 (0.30%) thi tawhin, enkawl mek mi 50 (0.02%) an awm.

Mizorama district 11 zinga district panga - Siaha, Kolasib, Serchhip, Lawngtlai leh Hnahthial district-ah Covid-19 vei an awm tawh rih lo a; positive mek mi 10 aia tam awmna Aizawl leh Khawzawl district-te a awm a ni.