Champhaiah Rangotsav hman a ni

Champhai district-a Samagra Shiksha chuan October 19, Nilaini khan an hmunah Rangotsav 2022 - Exhibition of Mizo Handicrafts an buatsaih a; Champhai district-a middle school zirlaite'n kutthemthiamna hmanga an thil siamte phochhuakin an intihsiak.

Champhai SDEO Lalhruaitluangi chuan, Rangotsav chu elementary tana buatsaih a nih thu leh ram pakhata mi chi hrang hrang inang lo tak takte inhrethiam tawn taka an awmho theihna tura buatsaih a nih thu a sawi a; intihsiak a zawh hunah pawh an thiamna tipung zel turin zirlaite a chah.

Rangotsav 2022, Exhibition of Mizo Handicrafts-a ti ṭhate hnenah lawmman hlan nghal a ni a; buara (sai-ip) hrui hmanga pangpar leh a khawina siamtu Lalawmpuii, Class-VIII, Kanan M/S chu pakhatna a ni. Mau no leh patê siamtu Lalrintluanga, Class-VIII, Ruantlang M/S chu pahnihna a ni a; laphiar entirtu Zonunmawii, Class-VIII, Ruantlang M/S chu pathumna a ni.