MLA fund hmang ṭhaah inngai

MLA Ramthanmawia chuan nimin khan a bial chhung, Khawbung community hall-a East Tuipui South Block MNF Workers Meet cum Political Training a hmanpui a, "MLA fund hmannate hi opposition unaute'n rawn chhui se, hriat mang loh phuahchawpa siamte hi kan duh ve lo a, kan hman ṭhatzia an hria ang," a ti.

Ramthanmawia chuan, a bialte'n thil dik lo ti turin an la nawr lo tih sawiin, a lawm thu leh a bial mipui chu fakawm a tih thu a sawi a, "Hun rei tak ngaihsak loh bial ang maiin zirtirtu 130 chuang kan mamawh a, tunah chuan zirtirtu mi 130 chuang scheme hrang hrang aṭangin kan nei ta a, MLA fund-in pakhat ka ruai mek bawk," a ti.