Puanṭhui zirna khar a ni

Ministry of Micro, Small & Medium Enterprises leh World Vision India ṭangkawp buatsaih, kar ruk chhung awh puanṭhui zirna chu Inrinni khan LKK Self Help Group Tailoring Training Centre, Lunglei Bazar Vengah khar a ni.

Kharna inkhawm kaihruaitu World Vision India Project co-ordinator Thanglunpaua Guite chuan Self Help Group tana hnathawh tur ruahman chi hrang hrangte chu eizawnna tlak a ni tih sawiin, "Puanṭhui zirte pawhin thiamna thar nei zel tura tan an lak chhunzawm reng a ngai dawn a ni," a ti.

Puanṭhui zir chhuakte hi mi 24 an ni a, training an zo tih tarlanna certificate pek ṭheuh an ni.

Lunglei District Self Help Group hnuaiah hian SHG 898 awm mekin heng zinga SHG 146 ten State Bank of India leh Mizoram Rural Bank atangin cheng nuai 100.9 loan an la tawh a ni.