GST hrilhfiahna hmun

Taxation department chuan Goods & Service Tax (GST) chungchang mipuiin an hriat duhte an zawhna tur leh mi­pui hrilhfiahna turin an commissionerate-ah Facilitation cum Help­desk an siam thar a, nimin khan Taxation additional commissioner Kailiana Ralte-in a hawng.

Sorkar thuchhuah tarlan danin, GST Facili­tation cum Helpdesk hi kumin July thla aṭanga hman ṭan tak, GST chung changa hriat chian duh neite'n zawhna an neih leh puih an ngaihnaah sum chawi ngai loa an zawhfiahna tura ruahman a ni a; State Tax Officer pahnih zelin an ṭhutchilh ṭhin dawn bakah, Taxation Assistant Commissioner-in a enpui ṭhin ang.

GST Facilitation cum Helpdesk hi GST regis­tration dil turte, GST return file tur tante leh GST pay­ment chung­changa hriat chian leh zawh duh neite tan pan theih a ni a; mahse, mi pakhatin ṭum thum aia tam pan a rem­chang dawn lo thung a, a chhan chu - sumdawngte leh mi dangte pawh mahni inzir tura beisei an nih ve vang a ni.