Bawlhhlawh paih dan tur inhrilhfiah

Aizawl Municipal Corporation (AMC) chuan nimin khan AMC conference hall-ah Ai­zawla local council member-te an ko khawm a, Aizawl khawpuia bawlh­hlawh paih dan kal­phung thar an hrilhfiah.

Inhrilhfiahnaah hian, Aizawl deputy mayor Lalringliana’n kalkhawm­te chu bawlhhlawh paih dan kalphung thar a hrilh­fiah a; ruahman­na ṭha taka kalpui a nih theih dan tur leh thawhho dan turte an sawiho a ni. Aizawla local council-te kaltlanga lirthei chhiarpui neih mek a nih thu sawi lan a ni a; AMC hotute chuan LC-te chu November 20, 2017 hma ngeia tifel turin an fuih a ni.

AMC hian SIPMIU aṭangin bawlhhlawh paih motor, bawhhlawh ṭawi thei leh ṭawih thei lo a hrana phur tur 54 an dawng a; chu'ngte chu December 2017 aṭanga enchhin a ni ang.