Science Exhibition buatsaih a ni

Zirtiri Residential Science College-a Innovation Club leh Mizoram Science, Technology and Innovation Council (MISTIC)-te chuan nimin khan Zirtiri RSC campus-ah Science Exhibition an buatsaih a; thupui chu 'Innovative approaches to sustainable development in science & technology' tih a ni.

Science Exhibition-ah hian Innovation Club member-te chu pawl pariatah ṭhenin, science hmanga hmasawnna leh changkanna tlo leh chhawrnah-awm tak neih theih dan entirin an intihsiak a; Zirtiri RSC-a department hrang hrang - Botany, Zoology, Biochemistry, Chemistry, Physics, Electronics, Geology, Computer Science leh Cooking Club-te'n an thiamthilte an pho lang.

Exhibition hi college zirlaite leh páwn lam aṭangin sikul naupang 1,000 chuangin an tlawh a; intihsiaka ti ṭha zual pathum hnenah lawmman pek a ni.

Zirtiri RSC Innovation Club hian kum 2017 khan Science Exhibition an buatsaih tawh bawk.