Sorkar officer tura tlingte lawmpui

JP Career Point chuan nimin khan Hotel Regency-ah MCS Combined Competi­tive Examination 2022-a tling an zirlai mi 16-te lawmpuina an buatsaih a, minister of state Lalruatkima'n a hmanpui.

Lalruatkima chuan, group A officer tura inziak tling tharte chu Mizoram sorkar inrêlbàwlnaah hmun pawimawh tak luaha mawhphurhna sang tak tak an koah la tla tur an nih thu a sawi a, "Pathian ṭih chungin in mawh­phurhna hlen ula, mahni inrintâwkna nen rinawm takin hna thawk ang che u," tiin a fuih.

MPSC chairman hlui PC Lawmkunga, IAS (Rtd.), Pachhunga University College associate professor Lallungmuana, JP Career Point senior faculty Sudhir Kumar leh director Israel Lalremruata ten thu an sawi bawk.