Beichhua'n NITI Aayog hotute a kâwm

Minister of state Dr K Beichhua chuan nimin khan New Delhi-ah National Institution for Transforming India (NITI) Aayog vice chairman Suman K Bery leh hotu dangte a kâwm.

Dr K Beichhua chuan, India rama district 112 zingah Mamit district chu aspirational district-a dah a nih avangin sorkar laipuiin duhsak taka hmalakna a kalpui chu lawmawm a tih thu a sawi a; Siaha leh Lawngtlai district pawh kawng hrang hrangah district dang aia la hnufual zawk an nih avangin, aspirational district-te enkawl dan anga a bika enkawlna pe turin NITI Aayog hotute a ngen.

Siaha leh Lawngtlai district-te a bika enkawlna pek chungchang hi sawiho a nih hnuah, NITI Aayog Vice Chairman chuan an lo ngaihtuah nawn tur thu a sawi.

Inkawmhonaah hian Mizoram hmasawnna tur hrang hrangte sawiho a ni a; NITI Aayog member-te chuan state sorkar department hrang hrangin anmahni kaltlanga hma an lâk dan turte leh anmahni kaltlanga hmasawnna project-te thehlut ṭhin turin Dr Beichhua chu thu an ràwn a ni.

Dr K Beichhua hi Bamboo Development Board vice chairman Dr K Pachhunga, MLA-in a ṭawiawm.