HSS-ah Hindi subject telh duh

Mizoram High School Hindi Teacher Association (MHSHTA) chuan nimin khan Chanmari YMA Hall-ah General Conference vawi 10-na an hmang a; higher secondary school-ah Hindi subject dah turin sorkar ngen an rél.

MHSHTA Conference rorel inkhawm chu an president David Lalremruata'n a kaihruai a; an service chungchang leh Mizorama Hindi pawimawhna thehdarhna kawnga hmalakna tur hrang hrang an sawiho a ni.

An rorel zingah, HSS-a Hindi subject dah tur leh Hindi zirtirtute kaisànna assistant hindi education officer chu gazatted status pe turin sorkar ngen ni se, an ti.

Rorel zawhah kum 2022-2024 chhunga hruaitu turte an thlang a; president atan David Lalremruata, vice president atan H Lalsailova, general secretary atan Lalchhuanawma bakah, assistant secretary, finance secretary leh treasurer turte an thlang a ni.