MSU hruaitute'n Governor an hmu

Mizo Students' Union (MSU) General Headquarters office bearer-te chuan nimin khan Raj Bhavan-ah Governor Hari Babu Kambhampati an hmu a; zirlaite tan cultural exchange, expedition leh exposure tour chungchang an sawipui.

MSU hruaitute hian an hmachhawp zinga ṭhenkhat - Mizorama zirlaite puala cultural exchange programme, expedition tour leh exposure tour buatsaih chungchanga rawtna an neihte Governor hnenah an thlen a; theihtawp chhuahpui turin an ngen a ni.

Kum 2013 aṭangin college zirlaite aṭanga fee lak, sorkar revenue-a chhûn ṭhin chungchangah MSU hruaitute chuan, zirlaite fee chawi chu college development fund atana hman a nih theih nan rawtna an thlen tawh ṭhin tih an sawi a; kum 10 dáwn an nghah hnuah October 20, Ningania zirlaite'n pungkhawma an nawr hnuah, zirlaite fee pek tling khawm hman dan tur ruahmanna siam a ni ta chu thil chhinchhiah tlak leh zirlaite tan ni pawimawh tak a nih thu an sawi a ni.