Pathianin min hruai chhuak ṭhin - C Lalrinsanga

MNF adviser C Lalrinsanga, minister chuan nimin khan Mizo Hnam Rûna inkhawmah thu sawiin, MNF chu Mizo hnam, hmun tina mite dinchhuahna tura thawktu a niin a sawi a, "Harsatna leh buainate tâwk ṭhin mah ila, a hun takah Pathianin min hruai chhuak leh mai ṭhin," a ti.

C Lalrinsanga chuan, MNF chu hnam tana ding leh Pathian hming lam chunga din a nia sawiin, "He hnam min zawng chhuaktu Pathian hming lamtute tung ding a, Pathian lam ṭang lote hnâwl zel ṭhin a ni a, chu chu party dangte nen kan danglamna a ni," a ti a; Mizo tawh phawt chu MNF-ah an awm turah a ngaih thu a sawi.

Congress party-ah professional an awm tawh lo nia sawiin C Lalrinsanga chuan, "An hmunpui berah pawh Gandhi family an paih bo tawh a, Gandhi family huháng a awm tawh lo a nih chuan an tê tulh tulh ang. Mithiamte hmuh danin, kum 50 chhung hi an sorkar leh a rinawm tawh lo," a ti a; ZPM party pawh sub-headquarters-ah lam lam an nei zel niin a sawi bawk.