MP-in sipai hotute a bia

Mizorama Covid-19 hripui laka invenna leh sipai duty dan chungchangah Lok Sabha MP C Lalrosanga chuan nimin khan Mizoram bialtu Border Security Force (BSF) inspector general Sunil Kumar, Silchar leh DIG Kuldeep Singh-te a bia a; BSF-te state páwn aṭanga Mizorama an luh dan leh an inkhung hran danah fimkhur lehzual turin a hrilh.

C Lalrosanga chuan Champhai vela Assam Rifles sipaite chêt dan chungchangah Assam Rifles DIG Brig. Vinod pawh telephone-in a bia a; Champhaia sumdawngte leh lirthei neitu leh khalhtu pawl hrang hrangin AR sipaite chêt danah lungawi lohna an neihte chhui chiang tur leh, harsatna an tawhte titawp turin a hriattir bawk. BSF IG Sunil Kumar chuan, BSF sipai, Mizorama lut turte an khuahkhirh a, swab test tihtir hmasak zel an nih tur thu a sawi a, uluk taka inkhàrkhipna tur ruahman a nih thu Lok Sabha MP a hrilh niin sorkar thuchhuah chuan a tarlang.