MP-in BSNL hotute a kâwm

Lok Sabha MP C Lalrosanga, Telephone Advisory Committee (TAC) chairman chuan nimin khan BSNL hotute an pisaah kal chilhin a kâwm a, an harsatna neihte leh hmasawn zel dan turte a sawipui. 

C Lalrosanga chuan, BSNL-in thawktu leh sum leh pai lama harsatna an nei chunga theihtawp an chhuah chu ropui a tih thu a sawi a, "In harsatna neihte hi lehkha hmanga thuneitute hnenah ka thlen bakah, Delhi-a ka kal hunah Electronics and Information Technology and Communications Minister sawipui ka tum ang," a ti.

BSNL chu an pawi­mawh thu sawiin Lok Sabha MP chuan, "Sorkar tan innghahna in ni a, in service a pawimawh em em a ni," a ti a, thawktute chu theihtawp chhuah zel turin a chah. Lok Sabha MP hi TAC member-te'n an ṭawiawm.