Transport-in online-a license dilna kalpui a tum

Transport director R Lalrammawia chuan, lirthei khalhtute tan November 1, 2022 aṭangin online hmangin learner license dilna kalpui tum a nih thu a tarlang.

R Lalrammawia chuan, online hmanga license dil duh tan Aadhaar card behchhanin dil theih a nih tur thu a tarlang a, "Voter ID / birth certificate hmang pawhin a dil theih bawk ang. Dt. 28.10.2022 aṭangin software thar hi live-in deploy tawh tur a ni," a ti.

October 24, 2022 aṭangin DTO pisa hrang hranga offline mode hmanga learner license dil ṭhin chu tihtawp rih a nih tur thu te, software siam fel hman a nih chuan November 1, 2022 chhun dar 12 aṭangin online-in learner license dilna kalpui ṭan tum a nih thu te, license dil tur chuan transport.mizoram.gov.in chhunga online services-ah luh tur a nih thute a tarlang bawk.