Mizoram UPC LAD inkhawmpui a ṭiak

Mizoram UPC-a hmeichhe pawl, Ladies Auxiliary Department (LAD) chuan October 21, Zirtawpni zan aṭang khan Sairang khelmualah inkhawmpui lian vawi 27-na an hmang a, nizan khan a ṭiak.

LAD inkhawmpuiah hian a ṭan zanah LAD president Lalchhandami kaihhruaiin palai lawmna leh report inkhawm neih a ni a, Inrinni khan nilengin pandal-ah rorel a ni. An rorel zingah LAD hminga Zemabawk Cancer Hospital-a ṭanpuina pek leh inkhawmpui lian thlengtu puihna tihsante a tel.

Inkhawmpuiah hian Lalrinthangi, tirhkoh Emmanuel Ramtharnghak, pastor K Lalhmingsangzuala leh UPC general superintendent Rev. Thangliansanga ten Pathian thuchah an sawi a; palai 1,500 chuang an tel a ni.