Ruihhlo man

Excise & Narcotics department (END) leh an thawhpuite chuan October 21-22, 2022 chhung khan hmun hrang hrangah ruihhlo - heroin leh methamphetamine eng emaw zat an man a; ruihhlo vanga mante lakah NDPS Act tlawhchhanin thubuai an ziak lut.

END leh CADS-te chuan October 21, Zirtawpni zan khan hmun panga - Ṭhuampui, Zemabawk, Bawngkawn, Ramhlun Vengthar leh Bawngkawn (Durtlang kawng)-ah heroin gram 106 an man a; a neitua puh - Lalremruata (26), Muanna Veng, Robert Lallawmsanga (27), Ṭhuampui, David Lalhnehzova (36), Khawlian (Bethlehem Vengthlanga khawsa mek), Lalrohlimi (46), Falkland Veng, Jenny Rothanzami (43), Bawngkawn, Lalhmunsiami (39), Ramhlun Vengthar leh Lalhriatpuii (32), Bawngkawn nia inchhálte an man tel.

October 21, zan vêk khan Chaltlang Venglaiah heroin gram 76 leh a neitua puh - Zelsianmung (52), Chhungte, Champhai district, Thangkhenmung (37), Ngaizawl leh Lalṭhakima (40), Chaltlang Venglai nia insawite an man bawk.

END leh Assam Rifles-te thawk dun chuan nimin chhun khan Sakawrtuichhunah methamphetamine mûm 1,50,000 an man a; a neitua puh mi panga - Lalrinzuala (33), Chhimluang, Kinon Joy (38), Bâwngva, Premen Joy (33), Damparengpui, Gelot Lalhruaizela (23), Meidum leh Roborai (38), Chawnpui nia inchhalte an man tel a ni.