Cod Nerc-in ṭanpuina hlan

Cod Nerc pawl chuan tun hnai khan Tuipuiral khaw pangaah lirnghing tuarte tlawhin thilpek an hlan a; Tuipuiral Group YMA-te nen ṭangkawpin Khuangthing, Dungtlang, Samthang, Chawngtui leh Thekte-ah ei tur chi hrang hrang - buhfai, dal, tel, nutre­la-te an pe a, mipuite thla­muanin thu an sawi bawk. 

Cod Nerc chairman C Lalmuanthanga chuan, Tuipuiral khuate'n a lang thei leh an rilru lam thlenga nasa taka an tawrh avanga ṭanpui tura pen chhuak an nih thu a sawi a; an director B Lalchhanzova chuan an thilpekte chu beitham hle mah se Mizo mipuiten Tui­puiral mipuite tawrhna an tawrhpuina leh thlamuanna thuchah kengtuah pawmsak turin a ngen.