Lokayukta-in kumin chhungin Complaint 10 an dawng tawh

Eirûk thubuai chhui chiang tura din Mizoram Lokayukta chuan kumin chhung com­plaint 10 an dawng tawh a, chu'ng zinga pakua chu Anti Corruption Bureau (ACB)-in an chhui mek.

Lokayukta-in complaint a dawn hnuhnun ber chu September 26, 2022 kha a ni a, Samthang khuaa Zo Phulpui Nature Park siamnaah sum eirûkna a awm nia rinhlelh chungchangah a ni.

Hemi chungchangah hian Lokayukta chuan Champhai DC, PWD, Planning & Prog­ramme Implementation department, Environment Forest & Climate Change department leh Zoram Energy Development Agency (ZEDA)-ah lehkha thawnin, an hriat duhte an zawt a ni.