Champhai leilet humhalh Chief Minister-in a duh

Chief minister Zoram­thanga chuan nimin khan ni khat chám turin Champhai a tlawh a, Circuit House-ah district bawrhsap James Lalrin­chhana leh sorkar hotute bakah, tlawmngai pawl hruaitute nen an inkâwm a; Champhai leilet chu humhalha tihhmasawn zel a duh thu a sawi.

CM Zoramthanga chuan, khawtlang mipui leh sorkar hnathawkte chu hmathlir ṭha tak nen Champhai hmasawnna tura thawk zel turin a chah a, "Champhai pawi­mawhna chu, agriculture leh horticulture lam - buh, thei leh thlai tam tham taka thar a ni a, pawisa tam tak lak luh theihna tura leilet zau tak in neih hi hmang ṭangkaiin, humhalha hmasawn zel a nih theih nan hmalak chhunzawm ni se," a ti.

Champhai chu Myan­mar ram nena inrî a nih avangin ram pahnih inkar inlaichînnaah politics emaw, sumdawnna emaw, thil dangah pawh dinhmun pawimawh tak a luah thu Chief Minister chuan a sawi bawk.

Inkhawmhonaah hian Champhai North bialtu MLA Dr ZR Thiamsanga pawh a tel a ni.