Zangnadawmna pe thuai turin PC party-in sorkar an phût

Peoples' Conference party chuan, Kolasib district-a national highway kawngpui zauhna atana ram lâk neitute hnenah zángnadawmna pe thuai turin Mizoram sorkar an phût.

PC party chuan thuchhuah siamin, Mizoram sorkarin zangnadawmna a hrêk reng avanga Kolasib district-a ram neitute lunghnûr taka siamtu MNF sorkar an dem thu an tarlang a, "He thil avanga buaina lian zawk a punlun loh nan a rang thei ang bera Land Owners Association-te zangnadawmna sum pe chhuak thuai turin Mizoram sorkar kan phût a ni," an ti.

MNF party-in October 22, 2022-ah an kum

60-na an lawm thei chu an lawmpui thu PC party chuan an tarlang a; chutih rualin, "Mipui ben harh chawp ngai reng sorkarna fawng chelhtu a la ni fo erawh hi chu a intulo hleah kan ngai," an ti. Kum hnih chhung ram neitute kut phuar a, an ramah kutthlak thei miah loa siam a, zangnadawmna an hmuh bawk si loh avanga ram neitute hmalakna leh hmachhawpte an thlâwp tlat thu an sawi bawk.