MZU Special Exam-ah 97.10% pass

Mizoram University (MZU) Examinations department chuan nimin tlai khan under graduate la zo lote tana hun remchang an siam, One Time Special Examinations 2022 result a tichhuak a; zirlai exam 655 zinga 636 pass in, pass percentage chu 97.10 a ni.

MZU controller of examinations Prof. Lalnun­tluanga hnen aṭanga thu dawn danin, Special Exam hi under graduate zirlai, semester anga kal hnua an zir theih hun chhunga pass hman ta lote tana buatsaih a ni a, kum 2011-2015 inkara zirlaite'n an hmachhawn. Annual system hun laia pass hman lote tan kum 2015 khan special exam an buatsaih tawh bawk.

One Time Special Exam-ah hian zirlai, first semester aṭanga sixth semester-ah mi 706-in form an thehlut a, mi 655-in exam hmachhawn­in, mi 636 an pass a ni.

Prof. Lalnuntluanga chuan, zirlai passed zawng zawngte lawm­puiin duhsakna a hlàn a; Mizoram hmun hrang hranga college principal leh thawktute thawhrimnaah lawmthu a sawi.