HSS Games 2022 ṭan a ni

School Education department chuan nimin khan Aizawlah 19th Mizoram Higher Secondary School Games 2022 an buatsaih ṭan a, Aizawla hmun hrang hrangah zirlai infiam mite an intihsiak.

Kumina HSS Games-ah hian sikul 26 an tel a, Aizawla HSS 14 leh Aizawl páwn lama HSS 12 an ni a; zirlai 811 leh zirtirtu 146 an tel. Zirlaite chu infiamna chi li - athletics, football, volleyball leh badminton-ahte an intihsiak dawn a ni.

19th HSS Games hi October 28, 2022 (Zirtawpni)-ah zawh hman tura beisei a ni a, a tàwp ní chhun dar 12-ah Vanapa Hall-ah khàrna inkhawm hman a ni ang.