Thlipui vangin district pangaah DC-te'n sikul chawlh an puang

Nimin khan thlipui (Cyclone Si-trang) vangin Mizorama district pangaah district bawrhsapte'n sikul chawlh an puang a, district ṭhenkhatah erawh chuan dan pangngaiin sikul an kal.

Sikul chawlh hi Aizawl DC, Lunglei DC, Siaha DC, Lawngtlai DC leh Serchhip DC-te'n an puang a; district dang - Champhai, Kolasib, Mamit, Saitual, Khawzawl leh Hnahthialahte sikul chawlh puan a ni lo thung.

District tam zawkah chuan dan pangngaiin sikul kal a ni a, Mamitah chuan pawl hniam lamte chu sikul ṭhenkhat chuan an kaltir lo.