Kohhran siamṭhat kum 500-na lawm

Aizawl Theological College (ATC) chuan October 31, Thawhlehni khan Chanmari Pres­byterian Kohhran Hall-ah kohhran siamṭhatna (reformation) kum 500-na an lawm.

Church reformation atan hian kum 500 liam ta, October 31, 1517-ah Martin Luther-a'n Wittenberg Castle Church-ah theses 95 a tár chhuak a, chu chu kohhran siamṭhat inṭanna bul a ni. Kohhran siamṭhatna champha hi khawvel hmun tam takah lawm a ni ṭhin a, ATC pawhin an lawm a ni.

Kohhran siamṭhatna kum 500-na Aizawla lawmma inkhawm hi ATC principal Rev.Prof. C Lalhlira'n a kai­hruai a. Rev. Dr H Van­lalauva’n 'The Legacy of reformation and its impact on worldwide Chris­tianity' tih thupui hmang­in kohhran siamṭhatna chungchang a sawi. Mizorama kohhran hrang hrang aiawhte an tel a ni.

Inkhawmah hian Mar­tin Luther-a’n Wittenberg Castle Church-a 95 theses a târ chhuahte Mizo ṭawnga lehlin, 'Martin Lu­ther’s 95 theses in Mizo' tih chu Rev. R Lalthanmawia’n a tlangzarh bawk.