Buangpuiah bawlhhlawh báwm sem

PHE department chuan nimin khan Swachh Bharat (Gramin) hnuaiah Buangpui khuaah páwna inthiar awm lohna ni tura inzirtirna hun an hmang a, chhung tinte hman tur bawlhhlawh báwm an sem nghal.

Inzirtirna leh bawlhhlawh báwm semna inkhawmah hian PHE executive engineer F Lal­sanglura chuan, thiang­hlimna atan tui a pawi­mawh avangin PHE department-in mipui hnena tui pek hna a thawk ṭhin tih a sawi a, "Hriselna atan tui thianghlim neih ṭhat a pawimawh avangin kan tui hnate a kâm lohna turin ram ngaw humhalh kawng­ah ṭan lak a ṭul," a ti.

Inkhawmah hian chhungkaw 105 bakah, zirna-in leh vantlang hmuna dah tur bawlhhlawh báwm 113 sem a ni a; bawlhhlawh paihna hmun (dumping ground) siamna tur work order pawh Buangpui Village Water & Sanitation Committee Chairman kutah hlan a ni bawk.