Lalremsiami chawimawina hlan

Women’s Hockey Asia Cup 2017-a champion India team-a tel Lalremsiami, Kolasib chu nimin khan Sports & Youth Services minister Zodintluanga'n a pisaah chawimawina a hlan.

Sports Minister chuan, Mizo zingah international leh national level-ah medal latu an awm nual tih sawiin, "Hmasawnna hmuh tur a tam hle a ni. Heng mi hlawhtlingte aṭang hian international level-ah pawh Mizote'n gold medal kan la thei tawh a ni tih ṭhalaite'n kan hriat a pawimawh. Ṭhahnemngai taka tuichilhte'n hlawhtlinna an hmu chho zel a ni," a ti.

Lalremsiami hi Sports Authority of India (SAI) Women Hockey Training Centre, Thenzawl chhuak a ni a, Women’s Asia Cup 2017-a Indian Women’s Hockey team-ah telin, final match-ah China an hneh a, nakkuma Women’s World Cup-a khel turin an tling a ni.