MAASTA-in conference hmang

Mizoram Adhoc Aided Middle School Teachers Association (MAASTA) chuan, nimin khan Chanmari YMA Hall-ah General Conference vawi 5-na an hmang a, MLA Joseph Lalhimpuia'n a hmanpui.

Joseph Lalhimpuia chuan, zirtirtute chu khua leh tui ṭha, kohhran leh khawtlang tana mi ṭangkai, dinhmun pawimawh tak chelhtute an nih thu sawiin, zirtirtute rilru sûkthlêk leh an hmalaknain zirna bakah, khawtlangah danglamna leh hmasawnna a siam thei hle tih a sawi a, "Sorkarin in duhthusam ang dinhmunah dah thei rih lo che u mah se, sorkarin in inpekna leh thawhrimnate a hria a ni," a ti.

MAASTA-ah hian member 350 vel an awm a; nimina an conference-ah hian chawhnuah rorel inkhawm leh hruaitu thar thlanna hun an hmang a ni.