RMSA hnathawkte'n khawmpui an hmang

RMSA Employee Welfare Association (MIREWA) chuan, nimin khan Art & Culture Auditorium, Berawtlangah inkhawmpui an hmang a, minister Lal Thanzara'n a hmanpui.

Lal Thanzara chuan, RMSA school chu high hchool la awm ngai lohna thingtlang khaw hrang hrangah din ṭhin a nih thu sawiin, "High school kai rual tawh phawt sikul kaitir chu RMSA thil tum a nih angin, RMSA school awmna khua leh a chhehvelah khawsak harsat vanga sikul kal chhunzawm thei lote pawh admission tihsak ṭhin a ni a, kum 2011 aṭanga vawiin thlengin mi 200 chuangin pawl 10 an pass phah tawh a ni," a ti.

MIREWA hian general assembly an neih loh kumah assembly neih ṭhin ni se, tia an rel tawh angin kumin hi assembly an neih hmasak ber a ni.

RMSA hi kum 2008-ah bul ṭan a ni a, sorkar high school ding sa 198-te chu tihchak a nih bakah, thingtlangah zirtirtu quarters 141 sak zawh tawh niin, 61 sak mek a ni. Thingtlang kilkhawr, sikul la awm ngai lohna khaw 92-ah RMSA sikul din a ni tawh a, zirlai 2,000 chuangin HSLC an pass tawh a ni.