Sialsukah loneitute leh Scientist-te an inkâwm

Agriculture department leh Indian Council of Agriculture Research (ICAR), Kolasib ṭangkawp chuan nimin khan Sialsukah lo neitute leh farmers-scientist inkawmhona an buatsaih a, Agriculture minister KS Thanga'n a hmanpui.

KS Thanga chuan, sorkar laipuiin inkawmhona programme a duan, Doubling Farmers’ Income, Seed Village leh scheme dangte tihhlawhtlinna a nih thu a sawi a, "Intodelhna kawngah taima lehzualin hma lam pan a pawimawh. Ku thnathawktute leh scientist inkawmhona neih a ni hi lawmawm a, district dangah pawh tih chhunzawm zel ka beisei," a ti.

Programme hi ṭum hniha ṭhen a ni a, chawhma lamah training neih niin, chawhnu lamah lo neitute buh leh thlai chin chungchanga harsatna leh hmalakna turte sawiho a ni.