KHAWTHLIR

Hnathawh enfiah
Mizoram tlawha rawn zin, Parliamentary Standing Committee on Rural Development chuan nimin khan sorkar laipui scheme hnuaia Rural Development leh PHE department hnathawh leh hmalaknate an enfiah. Field visit an neih hnuah Assembly conference hall-ah department hotute nen an inkâwm leh a ni.

Heroin man
CID(SB) operation team chuan nimin chawhnu dar 2.30 vel khan Venghluiah heroin hawng 20 (gram 270.41) an man a, a neitua puh Liansanga (35) s/o Ramliana, Khawbel, Myanmar nia insawi an man nghal bawk. Heroin an man hi tualchhunga an hralh dan ang chuan Rs. 9,00,000/ hû a ni.

Entrepreneurship Day 2017 hmang
RMSA, Kolasib district chuan nimin khan Kolasib High School hall-ah National Entrepreneurship Day 2017 an hmang a, MJA Kolasib district president H Vanlal-nghaka leh Kolasib DEO KC Lalrinmawia ten an hmanpui. He hunah hian Kolasib H/S-a zirlaite bakah, an nu leh pate an tel a ni.

Jubilee lawm
St. Lawrence School, Ramthar Veng, Aizawl chuan nimin khan an kum 25-na, silver jubilee an lawm a, School Education minister H Rohluna'n a hmanpui. H Rohluna chuan, zirtirtute chu zirna ṭha pe chhuak tura theihtawp chhuah turin a chah.

Minister-in vailiam
Mizorama hmasawnna a hmuna upate'n an en theih nan NEDP hnuaiah ruahmanna siam a ni a; Tuiral Hydel Project leh Lengpui Airport tlawh tur NEDP-MUP Tour hmasa berte chu nimin khan McDonald Hill-ah IPR minister Lal Thanzara'n a vai liam. Hmun pahnih tlawh tur MUP member-te hi Aizawl North-III huam chhunga mite an ni.