Pawngsual kaihhnawihah Lie detector hman tum a ni

September, 2022-a Zonuam, Aizawla hmei­chhe naute pakhat pawng­sual ni ngeia doctor-te'n an hriat kaihhnawiha man, naute nu leh pate chu lie detector hmangin thu zawhfiah an ni dawn.

Vanglaini palai zawhna chhangin Aizawl SP C Lalruaia chuan, naute nu leh pate chu police-in an la kawl thu a sawi a, "Lie detector hmanga thu zawhfiah turin hmalak mek a ni a, Delhi lamah hetiang lam thiam dawr mek a ni," a ti.

Police-te chuan naute nu leh pate chu thu zawtfiah nual tawh mah se, pawngsualtu finfiah theihna tur thu hriat an la nei lo a ni.