Aizawla bial 11 lâk vek kan inbeisei - ZPM Working President

ZPM working president K Sapdanga chuan, Mizoram mipuiin ZPM sorkarah Mizoram ṭha zawk an beisei thu leh kum 2023 inthlanpuiah Aizawl khawpuia Assembly bial 11 lak vek theih an inbeisei thu a sawi.

K Sapdanga hian October 26, Nilaini khan Siaha-a ZPM pisaah thu sawiin, "Hmun tinah inthlan lehah chuan mi tin ZPM-ah aw an ti a, Aizawl khawpui bial 11 hi lak vek theih kan inbeisei. Ṭhalaite khawvelah hian ṭhalaite'n beiseina sang tak nen min tinzâwn niin kan hria," a ti.

ZPM Working President chuan, "Zoram vantlang hawiher thlirin, inthlan lehah chuan mipuite'n ZPM sorkar an tinzâwn a, a chhan chu tun aia ṭha zawk Mizoram an beisei a ni," a ti a; Covid-19 chhuanlam dik tâwk lo a tam thu te, Mizorama sum lut a tlem phah loh rualin, luhbingna a awm thu leh Kamrula’n harsatna a tawh ve ngai loh thu te, chu chu pensioner te, sorkar hnathawkte leh mipuite'n an tawrh thute a sawi.

ZPM party chu rethei takin an kal nia sawiin Sapdanga chuan, "Kan khingpuite chuan thluaka lut khawpa tam sum an nei. Chu'ng mite kianga kal loa keini ipte ruaka awmte min rawn pan hi kan lawm hle a, in huaisenna rah hi Mara mipui malsawmna thlentu a la ni ang tih kan ring," a ti.

K Sapdanga chuan, ram zahawmna chu intodelh a ni tih sawiin, "Chhimtuipuiah hian intodelh theihna a awm a, sorkar kal tawhteah tumna chu a awm a, tih tak takna a awm lo a ni," a ti a; chhim lamah human resource, hydel project leh agriculture project atan theihna sang tak a awm thu leh ZPM a sorkar chuan Act South Policy an tih dawn thu a sawi bawk.

ZPM thuchhuah chuan, ZPM zawm thar Siahaah mi 90 leh Lungzarhṭumah mi 28 an lawm lut niin a tarlang.