Covid-19 vei mek mi 41 an awm

October 26, Nilaini khan Mizoramah swab sample 132 endik aṭangin Covid-19 vei mi pariat hmuh chhuah a ni a, positivity rate 6.06% a ni. Nimin khan hripui vei dam tawh mi paruk chhuahtir an ni a, nimin tlai khan hripui vei mi 41 an awm.

IDSP aṭanga thu dawn danin, Nilainia Covid-19 positive hmuh chhuahte chu Aizawl district-ah mi pasarih leh Lunglei district-ah mi pakhat an ni.

Mizoramah swab sample 19,87,633 endik tawh niin, Covid-19 vei 2,38,778 hmuh chhuah a ni tawh a, a pumpuia positivity rate 12.01% a ni. Nimin tlai dar 3 thlengin mi 2,38,013 (99.68%) chhuahtir an ni tawh a, mi 724 (0.30%) thi tawhin, enkawl mek mi 41 (0.02%) an awm.

Mizorama district 11 zinga district paruk - Siaha, Champhai, Kolasib, Lawngtlai, Mamit leh Hnahthial district-ahte Covid-19 vei an awm tawh rih lo a; positive mek mi 10 aia tam awmna Aizawl leh Saitual district chiah a awm a ni.